Bangalore Team Visit 09-04-2022, ಬೆಂಗಳೂರು ಬಂಧುಗಳ ಭೇಟಿ

 ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ (93) ಅವರ ಯೋಗಕ್ಷೇಮ ವಿಚಾರಿಸಲು ಇಂದು (ದಿ. 09-04-2022, ಶನಿವಾರ) ಸಂಜೆ ಬೆಂಗಳೂರಿನಿಂದ ನಮ್ಮ ಸಮೀಪ ಬಂಧುಗಳು ನಮ್ಮ ಮನೆಗೆ ಆಗಮಿಸಿದ್ದರು.

ನಮ್ಮ ತಂದೆಯವರ ತಂಗಿ ದಿ|| ಶ್ರೀಮತಿ ವೇದವತಿ ಅವರ ಪುತ್ರಿ ಶ್ರೀಮತಿ ಶಾರದಾಮಣಿ, ಅವರ ಪತಿ ಶ್ರೀ ಕೇಶವಮೂರ್ತಿ, ವೇದವತಿ ಅವರ ಸೊಸೆ ಶ್ರೀಮತಿ ವೇದವಲ್ಲಿ ಕಲ್ಯಾಣರಾಮನ್ ಹಾಗೂ ಅವರ ಪುತ್ರ ವಿಜಯ್ ಕಲ್ಯಾಣರಾಮನ್ ರವರು ಕೆಲಹೊತ್ತು ಇದ್ದು ನಮ್ಮ ತಂದೆಯವರೊಡನೆ ಮಾತನಾಡಿ ಸಂತೋಷಪಟ್ಟರು. ಶ್ರೀಮತಿ ವೇದವಲ್ಲಿ ಅವರು ಪ್ರಸ್ತುತ ದುಬೈ ದೇಶದಲ್ಲಿದ್ದು ಕಳೆದ ವಾರ ಬೆಂಗಳೂರಿಗೆ ಬಂದಿದ್ದು, ಇದೀಗ ಪುನಃ ದುಬೈಗೆ ವಾಪಸ್ಸಾಗುವ ಮುನ್ನ ತುಮಕೂರಿಗೆ ಆಗಮಿಸಿದ್ದರು. ಇವರ ಭೇಟಿ ನಮ್ಮೆಲ್ಲರಿಗೂ ಸಂತೋಷ ಮೂಡಿಸಿತು.

ಚಿತ್ರದಲ್ಲಿ- ಮೇಲೆ ಕುಳಿತವರು –(ಎಡದಿಂದ) ಶ್ರೀ ವಿಜಯ್, ಶ್ರೀ ಕೇಶವಮೂರ್ತಿ, ಶ್ರೀಮತಿ ಶಾರದಾಮಣಿ ಮತ್ತು ಶ್ರೀಮತಿ ವೇದವಲ್ಲಿ ಅವರುಗಳು ಇದ್ದಾರೆ.

ಶ್ರೀ ಸೊಗಡು ಶಿವಣ್ಣ ಭೇಟಿ 07-04-2022, Sogadu Shivanna Visit

 ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ (93 ವರ್ಷ) ರವರನ್ನು ಭೇಟಿ ಮಾಡಲೆಂದೇ “ನಮ್ಮ ತುಮಕೂರು” ನಗರದ ಜನಪ್ರಿಯ ರಾಜಕಾರಣಿಗಳೂ, ಬಿಜೆಪಿಯ ಹಿರಿಯ ನಾಯಕರೂ, ಮಾಜಿ ಸಚಿವರೂ ಆದ ಶ್ರೀ ಸೊಗಡು ಶಿವಣ್ಣನವರು ಇಂದು (ದಿ. 07-04-2022, ಗುರುವಾರ) ಬೆಳಗ್ಗೆ ಅನಿರೀಕ್ಷಿತವಾಗಿ ಜಯನಗರದಲ್ಲಿರುವ ನಮ್ಮ ನಿವಾಸಕ್ಕೆ ಆಗಮಿಸಿದ್ದರು. ಸುಮಾರು ಅರ್ಧಗಂಟೆ ಕಾಲ ಇದ್ದು ಕುಶಲೋಪರಿ ವಿಚಾರಿಸಿದರು. ನಮ್ಮ ತಂದೆಯವರನ್ನು ನೋಡಿ, ಅವರೊಡನೆ ಮಾತನಾಡಿ ಶ್ರೀ ಸೊಗಡು ಶಿವಣ್ಣನವರು ತುಂಬ ಸಂತೋಷಪಟ್ಟರು. ಶಿವಣ್ಣನವರ ಆಪ್ತರಾದ ಶ್ರೀ ಜಯಸಿಂಹರಾವ್ ರವರೂ ಜೊತೆಯಲ್ಲಿದ್ದರು.

https://twitter.com/rsitmk