ಹಸವ

ದುಃಖ ತಾನಾಗಿಯೇ ಬರುತ್ತದೆ. ಆದರೆ ಸಂತೋಷದ ಕ್ಷಣಗಳು ಹಾಗಲ್ಲ. ಅದನ್ನು ನಾವು ಸೃಷ್ಟಿ ಮಾಡಬೇಕಾಗುತ್ತದೆ. - ಕವಿ ಡಾ. ಹೆಚ್.ಎಸ್.ವೆಂಕಟೇಶ ಮೂರ್ತಿ

gss

ಹತ್ತಿರವಿದ್ದೂ ದೂರ ನಿಲ್ಲುವೆವು, ನಮ್ಮ ಅಹಮ್ಮಿನ ಕೋಟೆಯಲಿ, ಎಷ್ಟು ಕಷ್ಟವೋ ಹೊಂದಿಕೆ ಎಂಬುದು, ನಾಲ್ಕು ದಿನದ ಈ ಬದುಕಿನಲಿ - ರಾಷ್ಟ್ರಕವಿ ಡಾ. ಜಿ.ಎಸ್.ಶಿವರುದ್ರಪ್ಪ

Saturday, 13 August 2022

'ಮನೆ ಮನೆಯಲ್ಲಿ ತ್ರಿವರ್ಣ ಧ್ವಜ' ಅಭಿಯಾನ 2022, Har Ghar Tiranga Abiyan 2022

 ಭಾರತದ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಸಂಭ್ರಮ. 'ಮನೆ ಮನೆಯಲ್ಲಿ ತ್ರಿವರ್ಣ ಧ್ವಜ' ಅಭಿಯಾನ ನಮ್ಮ ಮನೆ- ತುಮಕೂರು- ದಿ. 13-08-2022, ಶನಿವಾರ. Azadi Ka Amrit Mahotsav-2022, Har Ghar Tiranga Abhiyan









Thursday, 11 August 2022

ಗೃಹ ಸಚಿವರ ಭೇಟಿಯ ಸಂದರ್ಭ... Home Ministers Visit 2022

ಭಾರತ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಹಿನ್ನೆಲೆಯಲ್ಲಿ ರಾಜ್ಯದ ಗೃಹ ಸಚಿವರೂ, ತುಮಕೂರು ಜಿಲ್ಲಾ ಉಸ್ತುವಾರಿ ಸಚಿವರೂ ಆಗಿರುವ ಶ್ರೀ ಆರಗ ಜ್ಞಾನೇಂದ್ರ ಅವರು ದಿ.09-08-2022 ರಂದು ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ (93) ಅವರನ್ನು ಸನ್ಮಾನಿಸಲು ತುಮಕೂರಿನ ಜಯನಗರದಲ್ಲಿರುವ ನಮ್ಮ ನಿವಾಸಕ್ಕೆ ಆಗಮಿಸಿದ್ದಾಗ ..... H'ble Home Minister of Karnataka Sri Araga Jnanendra visited our home ....























********************************************

Youtube Video 



ಗೃಹ ಸಚಿವರ ಭೇಟಿ- ಅತಿಥಿ ಸತ್ಕಾರ... Home Ministers visit- Honour to Guests 2022

ಗೃಹ ಸಚಿವರಾದ ಶ್ರೀ ಆರಗ ಜ್ಞಾನೇಂದ್ರ ಅವರಿಂದ
ಶ್ರೀ ವಿ.ಎಸ್.ರಾಮಚಂದ್ರನ್ ಅವರಿಗೆ ಸನ್ಮಾನ
****************************
ದೇಶಾದ್ಯಂತ ಇದೀಗ 75 ನೇ ಸ್ವಾತಂತ್ರ್ಯೋತ್ಸವದ ಸಂಭ್ರಮ. ಎಲ್ಲೆಲ್ಲೂ “ಸ್ವಾತಂತ್ರ್ಯದ ಅಮೃತ ಮಹೋತ್ಸವ”ದ ಉಲ್ಲಾಸ. ಆ ಸಂಭ್ರಮೋಲ್ಲಾಸದ ಹಿನ್ನೆಲೆಯಲ್ಲಿ ರಾಜ್ಯದ ಗೃಹ ಸಚಿವರೂ, ತುಮಕೂರು ಜಿಲ್ಲಾ ಉಸ್ತುವಾರಿ ಸಚಿವರೂ ಆಗಿರುವ ಶ್ರೀ ಆರಗ ಜ್ಞಾನೇಂದ್ರ ಅವರು ದಿ.09-08-2022, ಮಂಗಳವಾರ ಸಂಜೆ ತುಮಕೂರಿನ ಜಯನಗರದಲ್ಲಿರುವ ನಮ್ಮ ನಿವಾಸಕ್ಕೆ ಆಗಮಿಸಿ ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ (93) ಅವರನ್ನು “ತುಮಕೂರು ಜಿಲ್ಲಾಡಳಿತ”ದ ಪರವಾಗಿ ಹೃತ್ಪೂರ್ವಕವಾಗಿ ಸನ್ಮಾನಿಸಿದರು.
ಈ ಸಂದರ್ಭದಲ್ಲಿ ತುಮಕೂರು ನಗರದ ಶಾಸಕರೂ, ಆತ್ಮೀಯ ಮಿತ್ರರೂ ಆದ ಶ್ರೀ ಜಿ.ಬಿ.ಜ್ಯೋತಿಗಣೇಶ್ ರವರು, ಜಿಲ್ಲಾಧಿಕಾರಿಗಳಾದ ಶ್ರೀ ವೈ.ಎಸ್.ಪಾಟೀಲ್ IAS, ಜಿಲ್ಲಾ ಪೊಲೀಸ್ ಮುಖ್ಯಾಧಿಕಾರಿಗಳಾದ ಶ್ರೀ ರಾಹುಲ್ ಕುಮಾರ್ ಶಹಾಪುರ್ ವಾಡ್ IPS, ಜಿಲ್ಲಾ ಪಂಚಾಯತ್ CEO ಡಾ. ಕೆ. ವಿದ್ಯಾಕುಮಾರಿ IAS, ತುಮಕೂರು ತಾಲ್ಲೂಕು ತಹಸೀಲ್ದಾರ್ ಶ್ರೀ ಜಿ.ವಿ. ಮೋಹನ್ ಕುಮಾರ್ KAS, ತುಮಕೂರು ಮಹಾನಗರ ಪಾಲಿಕೆ ಆಯುಕ್ತೆ ಶ್ರೀಮತಿ ರೇಣುಕಾ ಅವರುಗಳೂ ಸೇರಿದಂತೆ ಅನೇಕ ಗಣ್ಯರು, ಅಧಿಕಾರಿಗಳು, ಸುತ್ತಮುತ್ತಲಿನ ನಾಗರಿಕರು ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ಶ್ರೀ ವಿ.ಎಸ್.ರಾಮಚಂದ್ರನ್ ಅವರು ತಮಗೆ ನೀಡಿದ ಸನ್ಮಾನಕ್ಕೆ ಪ್ರತಿವಂದಿಸಿ ಸಚಿವರಾದ ಶ್ರೀ ಆರಗ ಜ್ಞಾನೇಂದ್ರ ಅವರಿಗೂ ಶಾಲುಹೊದಿಸಿ ಮಾಲಾರ್ಪಣೆ ಮಾಡಿ ಗೌರವಿಸಿದರು.
ಶ್ರೀ ಆರಗ ಜ್ಞಾನೇಂದ್ರ ಅವರ ಸಜ್ಜನಿಕೆ, ಸೌಜನ್ಯದ ನಡೆ-ನುಡಿಗಳು ಎಲ್ಲರಲ್ಲೂ ಸಂತಸ ಮೂಡಿಸಿತು.
ಮನೆಗೇ ಆಗಮಿಸಿ ನಮ್ಮ ತಂದೆಯವರಿಗೆ ಗೌರವಾರ್ಪಣೆ ಮಾಡಿದ ಜಿಲ್ಲಾಡಳಿತ ಹಾಗೂ ಸಕಲ ಗಣ್ಯರಿಗೆ ನಮ್ಮ ಹೃದಯಪೂರ್ವಕ ಧನ್ಯವಾದಗಳು ಹಾಗೂ ಕೃತಜ್ಞತೆಗಳು.

-ಆರ್.ಎಸ್.ಅಯ್ಯರ್ ಮತ್ತು ಆರ್.ವಿಶ್ವನಾಥನ್, ತುಮಕೂರು ದಿ.09-08-2022

 ಅತಿಥಿ ಸತ್ಕಾರ…

ಭಾರತ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಹಿನ್ನೆಲೆಯಲ್ಲಿ ರಾಜ್ಯದ ಗೃಹ ಸಚಿವರೂ, ತುಮಕೂರು ಜಿಲ್ಲಾ ಉಸ್ತುವಾರಿ ಸಚಿವರೂ ಆಗಿರುವ ಶ್ರೀ ಆರಗ ಜ್ಞಾನೇಂದ್ರ ಅವರು ದಿ.09-08-2022 ರಂದು ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ (93) ಅವರನ್ನು ಸನ್ಮಾನಿಸಲು ನಮ್ಮ ನಿವಾಸಕ್ಕೆ ಆಗಮಿಸಿದ್ದಾಗ ನಮ್ಮ ತಂದೆ ಎಂದಿನ ತಮ್ಮ ಸಹಜ ಪದ್ಧತಿಯಂತೆ ಗೃಹಸಚಿವರೂ ಸೇರಿದಂತೆ ಎಲ್ಲ ಹಿರಿಯ-ಕಿರಿಯ ಅಧಿಕಾರಿಗಳಿಗೆ, ಪೊಲೀಸರಿಗೆ, ಅಕ್ಕಪಕ್ಕದ ನಿವಾಸಿಗಳಿಗೆ ಫಲ (ಬಾಳೆಹಣ್ಣು) ವಿತರಿಸಿ “ಅತಿಥಿ ದೇವೋಭವ” ಎಂದು ಸಂತಸಪಟ್ಟರು.

(ಚಿತ್ರದಲ್ಲಿ ಗೃಹ ಸಚಿವರಾದ ಶ್ರೀ ಆರಗ ಜ್ಞಾನೇಂದ್ರರವರು , ಜಿಲ್ಲಾಧಿಕಾರಿಗಳಾದ ಶ್ರೀ ವೈ.ಎಸ್.ಪಾಟೀಲ್ ರವರು, ಜಿಲ್ಲಾ ಪಂಚಾಯತ್ ಸಿ.ಇ.ಓ. ಡಾ. ಕೆ.ವಿದ್ಯಾಕುಮಾರಿ ರವರು ಮತ್ತು ತುಮಕೂರು ಮಹಾನಗರ ಪಾಲಿಕೆ ಆಯುಕ್ತರಾದ ಶ್ರೀಮತಿ ರೇಣುಕಾರವರನ್ನು ಕಾಣಬಹುದು.)
-ಆರ್.ಎಸ್.ಅಯ್ಯರ್ ಮತ್ತು ಆರ್.ವಿಶ್ವನಾಥನ್, ತುಮಕೂರು





















******************************************************************

Youtube Video





Friday, 22 July 2022

With Sri Ravi Hegade, Group Editor, Kannada Prabha & Suvarna News - 2022 ಶ್ರೀ ರವಿ ಹೆಗಡೆ ಅವರೊಡನೆ

ಪತ್ರಕರ್ತರಾದ ಶ್ರೀ ರವಿ ಹೆಗಡೆ ಅವರೊಡನೆ                                                  _________________________ 

ನಾಡಿನ ಹೆಸರಾಂತ ಪತ್ರಕರ್ತರೂ, ಕನ್ನಡಪ್ರಭ–ಸುವರ್ಣ ನ್ಯೂಸ್ ನ ಸಮೂಹ ಸಂಪಾದಕರೂ ಆದ ಶ್ರೀ ರವಿ ಹೆಗಡೆ ಅವರನ್ನು ಭೇಟಿ ಮಾಡುವ, ಅವರೊಡನೆ ಮಾತನಾಡುವ ಮತ್ತು “ಬದಲಾಗಿರುವ ಕಾಲದಲ್ಲಿ ಮಾಧ್ಯಮಕ್ಷೇತ್ರ ಬಯಸುವ ಕೌಶಲಗಳು” ವಿಷಯವಾಗಿ ಅವರು ನೀಡಿದ ವಿದ್ವತ್ಪೂರ್ಣ ಉಪನ್ಯಾಸ ಕೇಳುವ ಸದವಕಾಶ ಇಂದು ದಿ.22-07-2022, ಶುಕ್ರವಾರ ಬೆಳಗ್ಗೆ “ನಮ್ಮ ತುಮಕೂರು” ನಗರದ ತುಮಕೂರು ವಿಶ್ವವಿದ್ಯಾನಿಲಯದಲ್ಲಿ ನನಗೆ ಮತ್ತು ಆರ್.ವಿಶ್ವನಾಥನ್ ಗೆ ಲಭಿಸಿತು. ತುಂಬ ಸಂತೋಷವಾಯಿತು.

ಈ ಮೊದಲನೆಯ ಚಿತ್ರದಲ್ಲಿ (ಎಡದಿಂದ ಬಲಕ್ಕೆ) ವಿ.ವಿ.ಯ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥರೂ, ಆತ್ಮೀಯರೂ ಆದ ಡಾ. ಕೆ.ವಿ. ಸಿಬಂತಿ ಪದ್ಮನಾಭ, ಆರ್.ವಿಶ್ವನಾಥನ್, ವಿ.ವಿ.ಯ ಕುಲಸಚಿವ (ಪರೀಕ್ಷಾಂಗ)ರಾದ ಪ್ರೊ. ನಿರ್ಮಲ್ ರಾಜು, ಪತ್ರಕರ್ತರಾದ ಶ್ರೀ ರವಿ ಹೆಗಡೆ, ವಿ.ವಿ.ಯ ನೂತನ ಕುಲಪತಿಗಳೂ, ಪರಿಚಿತರೂ ಆದ ಪ್ರೊ. ಎಂ. ವೆಂಕಟೇಶ್ವರಲು, ನಾನು (ಆರ್.ಎಸ್.ಅಯ್ಯರ್), ವಿ.ವಿ. ಕಲಾಕಾಲೇಜಿನ ಪ್ರಾಚಾರ್ಯರೂ-ನಮ್ಮ ಹಳೆಯ ಮಿತ್ರರೂ ಆದ ಪ್ರೊ.ಜಿ.ಕರಿಯಣ್ಣ, ಕನ್ನಡಪ್ರಭದ ತುಮಕೂರು ವರದಿಗಾರರಾದ ಶ್ರೀ ಉಗಮ ಶ್ರೀನಿವಾಸ್ ಅವರುಗಳನ್ನು ಕಾಣಬಹುದು.
ವಿ.ವಿ.ಯ ನೂತನ ಕುಲಪತಿಗಳೂ, ಪರಿಚಿತರೂ ಆದ ಪ್ರೊ. ಎಂ. ವೆಂಕಟೇಶ್ವರಲು ಅವರನ್ನು ನಾವು ಇದೇ ಸಂದರ್ಭದಲ್ಲಿ ಅಭಿನಂದಿಸಿದೆವು. ಅವರೂ ಸಂತೋಷಪಟ್ಟರು.
-ಆರ್.ಎಸ್.ಅಯ್ಯರ್, ತುಮಕೂರು, ದಿ. 22-07-2022
ಟ್ವಿಟರ್ :- https://twitter.com/rsitmk


(From Left) HOD Journalism Dr. Sibanthi Padmanabha, R.Vishwanathan, Tumkur University Registrar Prof. Nirmal Raju, Group Editor, Kannada Prabha & Suvarna News Sri Ravi Hegade, Tumkur University Vice Chancellor Prof. M. Venkateshwaralu, R.S.Iyer, University Art College Principal Prof. B. Kariyanna and Kannada Prabha reporter Sri Ugama Srinivas.

From Left- R.S. Iyer, Sri Ugama Srinivas, Prof. B. Kariyanna, V.C. Prof M. Venkateshwaralu, Sri Ravi Hegade, Prof Nirmal Raju and R. Vishwanathan






Sunday, 17 July 2022

With Sri Swamy Purushottamanandaji/ Letters ಪ.ಪೂ. ಶ್ರೀ ಸ್ವಾಮಿಪುರುಷೋತ್ತಮಾನಂದಜಿಯವರೊಂದಿಗೆ ಹಾಗೂ ಪತ್ರಗಳು


ನಮ್ಮ ಮನೆಯಲ್ಲಿ ಕುಳಿತು "ತಾಯಿ ದುರ್ಗೆಯ ನಿಜವನರಿಯುವ ಧೀರರಾರೋ ಜಗದೊಳು"  ಹಾಡತೊಡಗಿದಾಗ
-------------------------------------------------------------------------------

ಅದು 1992 ಇರಬಹುದು. ನಮ್ಮ ತಂದೆ ವಿ.ಎಸ್.ರಾಮಚಂದ್ರನ್ ಅವರು ಟೈಫಾಯಿಡ್ ಕಾಯಿಲೆಗೆ ಒಳಗಾಗಿ ಹಾಸಿಗೆ ಹಿಡಿದಿದ್ದರು. ಈ ವಿಷಯ ತಿಳಿದ ಪ.ಪೂ. ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿಯವರು,  ಶ್ರೀ ವೀರೇಶಾನಂದ ಸರಸ್ವತಿ ಸ್ವಾಮೀಜಿ ಮತ್ತು ಶ್ರೀ ನಿರ್ಭಯಾನಂದ ಸರಸ್ವತಿ ಸ್ವಾಮೀಜಿಯರೊಡನೆ ಅಂದು ಬೆಳಗ್ಗೆ ತುಮಕೂರಿನ ಚಿಕ್ಕಪೇಟೆಯಲ್ಲಿದ್ದ ನಮ್ಮ ಪುಟ್ಟ ಮನೆಗೆ ಬಂದೇ ಬಿಟ್ಟರು. ಮೂವರೂ ಸಂತರನ್ನು ಮಾಲಾರ್ಪಣೆ ಮಾಡಿ ಸ್ವಾಗತಿಸಿದೆವು. ಸಾಮಾನ್ಯವಾದ ತಗಡಿನ ಕುರ್ಚಿಯಲ್ಲೇ ಮೂವರೂ ಆಸೀನರಾದರು. ಕೆಲ ನಿಮಿಷಗಳ ಕಾಲ ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿಯವರು ಎಲ್ಲರೊಡನೆ ಕ್ಷೇಮ ಸಮಾಚಾರ ವಿಚಾರಿಸಿದರು.  ಅಲ್ಲೇ ಕೆಳಗೆ ನೆಲದ ಮೇಲಿನ ಹಾಸಿಗೆಯ ಮೇಲೆ ನಮ್ಮ ತಂದೆ ಕುಳಿತಿದ್ದರು. ಬಳಿಕ ಕಣ್ಮುಚ್ಚಿ ಕುಳಿತ ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿಯವರು ತಮ್ಮ ಕಂಠಸಿರಿಯಿಂದ "ತಾಯಿ ದುರ್ಗೆಯ ನಿಜವನರಿಯುವ ಧೀರರಾರೋ ಜಗದೊಳು..." ಎಂಬ ಪ್ರಸಿದ್ಧ ಗೀತೆಯನ್ನು ಹಾಡಲಾರಂಭಿಸಿದರು. ಅದೊಂದು ಅಭೂತಪೂರ್ವ ಅನಿರ್ವಚನೀಯ ದೃಶ್ಯವಾಗಿ ರೂಪುಗೊಂಡಿತು.  ನಂತರ ಕೆಲ ಹೊತ್ತು ಅಲ್ಲಿ ಹರ್ಷೋಲ್ಲಾಸದ ವಾತಾವರಣ. ಸ್ವಾಮೀಜಿಯವರು ಎಲ್ಲರನ್ನೂ ಹರಸಿ, ಆಶೀರ್ವದಿಸಿ,  ಹೊರಡುವಾಗ ಜೊತೆಯಲ್ಲಿ ಆಗಮಿಸಿದ್ದ ಅವರ ದಶಕಗಳ ಕಾಲದ  ಶಿಷ್ಯರಾದ ಬೆಂಗಳೂರಿನ ಶ್ರೀ ತಿಮ್ಮರಾಯಶೆಟ್ಟರು ನನ್ನ ಕಿವಿಯ ಬಳಿ "ಸ್ವಾಮೀಜಿಯವರಿಗೆ ನೀವು ಏನು ಮೋಡಿ ಮಾಡಿದಿರಿ? ಏಕೆಂದರೆ ಸ್ವಾಮೀಜಿಯವರು ಈ ರೀತಿ ಭಕ್ತರ ಮನೆಯಲ್ಲಿ ಕುಳಿತು ಅನೌಪಚಾರಿಕವಾಗಿ ಹಾಡಿದ್ದನ್ನು ನಾನು ನೋಡೇ ಇಲ್ಲ!!" ಎಂದು ಅಚ್ಚರಿ ಹಾಗೂ ಆನಂದದಿಂದ  ಉದ್ಗರಿಸಿದರು. ನಾನು ಕೇವಲ ಮುಗುಳ್ಕಕ್ಕೆ. ಸ್ವಾಮೀಜಿಯವರ ಆ ಭೇಟಿ ನಮ್ಮ ಪಾಲಿಗೆ ಚಿರಸ್ಮರಣೀಯವಾಗಿಯೇ ಉಳಿಯುವಂತಾಯಿತು..

- ಆರ್.ಎಸ್.ಅಯ್ಯರ್, ತುಮಕೂರು








***********************************************

ತುಮಕೂರಿನ ಕಾರ್ಯಕ್ರಮವೊಂದರಲ್ಲಿ ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿಯವರೊಡನೆ  ಬ್ರಹ್ಮಚಾರಿ ರಾಮು (ಈಗ ಇವರು ಧಾರವಾಡ ಆಶ್ರಮದ ಅಧ್ಯಕ್ಷರಾದ ಶ್ರೀ ವಿಜಯಾನಂದ ಸರಸ್ವತಿ ಸ್ವಾಮೀಜಿ) ಮತ್ತು ಆರ್.ಎಸ್.ಅಯ್ಯರ್
**********************************************

with Swamiji R.Vishwanathan

*******************************************************


with Swamiji (From Left) Madhu Deshapande (Now High Court Advocate), Muralidhara, R.Vishwanathan, Panchakshari, H.S.Sridhara, Siddalingappa (Advocate, Bangalore).

**********************************

R.S.Iyer with Sri Swamy Japanandaji & Sri Swamy Purushottamanandaji - Vivekananda Yuva Sangha Programme. Date 20-01-1995


R.Vishwanathan with Sri Swamy Japanandaji & Sri Swamy Purushottamanandaji - Vivekananda Yuva Sangha Programme. Date 20-01-1995.

********************************************************************

ಬೆಂಗಳೂರಿನ ವಿ.ವಿ.ಪುರಂನ ಕುವೆಂಪು ಕಲಾಕ್ಷೇತ್ರದಲ್ಲಿ 1994 ರಲ್ಲಿ ಏರ್ಪಟ್ಟಿದ್ದ "ವಿವೇಕ ಹಂಸ" ಮಾಸ ಪತ್ರಿಕೆಯ ಬಿಡುಗಡೆ ಸಮಾರಂಭದಲ್ಲಿ......


With H.H.Sri Swamy Purushottamanandaji .. R S Iyer and Sri Bharath Kumar Jain -Viveka Hamsa’ Monthly Magazine Releasing Programme,  Kuvempu Kalakshetra,  V.V.Puram, Bangalore, 18-03-1994




 ವಿವೇಕಹಂಸ ಪತ್ರಿಕೆಯಲ್ಲಿ ಪ್ರಕಟವಾದ ಚಿತ್ರಗಳು...

*******************************************************

ನಮ್ಮ ಮನೆಗೆ ಮೊದಲ ಬಾರಿ ಆಗಮಿಸಿದಾಗ...

ಇಲ್ಲಿರುವುದು 1991 ರ ಅಪೂರ್ವ ಚಿತ್ರಗಳು. ಆಗಿನ್ನೂ "ನಮ್ಮ ತುಮಕೂರು" ನಗರದಲ್ಲಿ ರಾಮಕೃಷ್ಣ ವಿವೇಕಾನಂದ ಆಶ್ರಮ ಸ್ಥಾಪಿತವಾಗಿರಲಿಲ್ಲ.  ಆಗ ತುಮಕೂರಿನ ಮಹಾತ್ಮಗಾಂಧಿ ಕ್ರೀಡಾಂಗಣದ ಎದುರಿನ ಬಡಾವಣೆಯಲ್ಲಿ (ನಂತರ ಇದಕ್ಕೆ ಶಾರದಾದೇವಿ ನಗರ ಎಂದು ಹೆಸರಿಸಲಾಯಿತು)  "ವಿವೇಕಾನಂದ ವಿಚಾರ ವೇದಿಕೆ" ಎಂಬುದಷ್ಟೇ ಇತ್ತು. ಶ್ರೀ ಶಂಕರರಾಮಯ್ಯ (ಶ್ರೀ ವೀರೇಶಾನಂದ ಸರಸ್ವತಿ ಸ್ವಾಮೀಜಿ) ಇದರ ಅಧ್ಯಕ್ಷರು. ಹಲವು ಯುವಕರು (ಇವರಲ್ಲಿ ಅನೇಕ ಜನರು ನಂತರದಲ್ಲಿ ಸಂನ್ಯಾಸಿಗಳಾದರು) ಇವರ ಜೊತೆಯಲ್ಲಿದ್ದರು. ಶ್ರೀ ಶಂಕರರಾಮಯ್ಯ ಅವರು ಇದಕ್ಕೆ ಮೊದಲು ಕುಣಿಗಲ್ ಪಟ್ಟಣದಲ್ಲಿ ವಿವೇಕಾನಂದ ವಿಚಾರ ವೇದಿಕೆ ಆರಂಭಿಸಿ ವಿವಿಧ ಚಟುವಟಿಕೆ ನಡೆಸುತ್ತಿದ್ದು, 1989-90 ರಲ್ಲಿ ಕುಣಿಗಲ್ ನಲ್ಲಿ ಇರುವಾಗಲೇ ಇವರು ನನಗೆ ಪರಿಚಿತರಾಗಿದ್ದರು. ನಂತರ ಇವರು ಮತ್ತು ಸ್ನೇಹಿತರು ತುಮಕೂರಿಗೆ ಸ್ಥಳಾಂತರಗೊಂಡು ಇಲ್ಲಿ ವೇದಿಕೆ ಆರಂಭಿಸಿದ್ದರು. ನಮ್ಮ ನಡುವೆ ಆಗಿನಿಂದಲೂ ಒಳ್ಳೆಯ ಒಡನಾಟ.  

1991 ರಲ್ಲಿ ಬೆಂಗಳೂರು ರಾಮಕೃಷ್ಣಾಶ್ರಮದ ಹಿರಿಯ ಸಂನ್ಯಾಸಿಗಳಾಗಿದ್ದ ಹಾಗೂ ಗಾಯಕರಾಗಿ, ಲೇಖಕರಾಗಿ ಬಹು ಜನಪ್ರಿಯರಾಗಿದ್ದ ಪ.ಪೂ. ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿ ಅವರನ್ನು ತುಮಕೂರಿಗೆ (ಬಹುಶಃ ಎರಡನೇ ಬಾರಿಗೆ ) ಆಹ್ವಾನಿಸಿ, ತುಮಕೂರಿನ ಕೆಲವು ಸಜ್ಜನರ ಮನೆಗಳಲ್ಲಿ ಸ್ವಾಮೀಜಿಯವರ ಸಂಕೀರ್ತನೆ- ಸತ್ಸಂಗ ನಡೆಸುವ ಒಂದು ವಿಶಿಷ್ಟ ಕಾರ್ಯಕ್ರಮವನ್ನು  ಶ್ರೀ ಶಂಕರರಾಮಯ್ಯ ಯೋಜಿಸಿದ್ದರು. ಅವುಗಳಲ್ಲಿ ನಮ್ಮ ಮನೆಯೂ ಒಂದಾಗಿತ್ತು.  

ಚಿಕ್ಕಪೇಟೆಯ ಪುಟ್ಟ ಹೆಂಚಿನ ಮನೆ ನಮ್ಮದು. ಸ್ವಾಮೀಜಿಯವರ ಆಗಮನವೆಂದರೆ ಸಂಭ್ರಮವೋ ಸಂಭ್ರಮ. ಅಕ್ಕಪಕ್ಕದ ಹಾಗೂ ಬಡಾವಣೆಯ ನಮ್ಮ ಪರಿಚಿತರು, ಇತರೆ ಆತ್ಮೀಯರು ನಮ್ಮ ಮನೆಗೆ ಆಗಮಿಸಿದ್ದರು.  ಇಕ್ಕಟ್ಟಾದ ಆ ನಮ್ಮ ಮನೆಯಲ್ಲಿದ್ದ ತಗಡಿನ ಕುರ್ಚಿಯಲ್ಲೇ ಪ.ಪೂ. ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿ ಅವರು ಆಸೀನರಾಗಿದ್ದರು. ಹಿನ್ನೆಲೆಗೆ ಒಂದು ಜಮಖಾನ ಕಟ್ಟಲಾಗಿತ್ತು. ಇದಾವುದನ್ನೂ ಗಮನಿಸದೆ ಸ್ವಾಮೀಜಿಯವರು ತಮ್ಮ ಅನುಪಮ ವ್ಯಕ್ತಿತ್ವದಿಂದ ಅಲ್ಲೊಂದು  ಉಲ್ಲಾಸದ ವಾತಾವರಣವನ್ನೇ ಸೃಷ್ಟಿಸಿಬಿಟ್ಟಿದ್ದರು. ತಮ್ಮ ಸುಮಧುರ ಕಂಠದಿಂದ ಸಂಕೀರ್ತನೆ ನಡೆಸಿ ಎಲ್ಲರ ಮನವನ್ನೂ ಆಕರ್ಷಿಸಿಬಿಟ್ಟಿದ್ದರು. 

ಆ ಅವಿಸ್ಮರಣೀಯ, ಅನಿರ್ವಚನೀಯ ಸಂದರ್ಭದ ಕಪ್ಪು-ಬಿಳುಪು ಚಿತ್ರಗಳಿವು. ನಮ್ಮ ತಂದೆ ವಿ.ಎಸ್.ರಾಮಚಂದ್ರನ್ ಅವರ ದಶಕಗಳ ಕಾಲದ ಮಿತ್ರರೂ, ಜ್ಯೋತಿ ಸ್ಟೂಡಿಯೋ ಮಾಲೀಕರೂ ಆಗಿದ್ದ ಡೇನಿಯಲ್ ಗುಂಡಪ್ಪ ಅವರು ಆ ಸುಸಂದರ್ಭವನ್ನು ತಮ್ಮ ಕ್ಯಾಮರಾದಲ್ಲಿ ಸೆರೆಹಿಡಿಯುವ ಮೂಲಕ ಶಾಶ್ವತವಾಗಿ ಉಳಿಯುವಂತೆ ಮಾಡಿದರು.

-ಆರ್.ಎಸ್.ಅಯ್ಯರ್, ತುಮಕೂರು   

https://www.instagram.com/r_s_iyer

https://twitter.com/rsitmk




ಸ್ವಾಮೀಜಿಯವರು ಸಂಕೀರ್ತನೆ ನಡೆಸುತ್ತಿರುವುದು. ಕೆಳಗಡೆ ಸ್ವಾಮೀಜಿಯವರ ಪಕ್ಕದಲ್ಲಿ ಕುಳಿತುರುವವರು ಶ್ರೀ ಶಂಕರರಾಮಯ್ಯ (ಶ್ರೀ ವೀರೇಶಾನಂದ ಸರಸ್ವತಿ ಸ್ವಾಮೀಜಿ). ಪುಟ್ಟ ಮನೆಯ ನೆಲದ ಮೇಲೆ ಇಕ್ಕಟ್ಟಾಗಿ ಕುಳಿತೇ ಎಲ್ಲರೂ ಆ ಕಾರ್ಯಕ್ರಮವನ್ನು ಆಸ್ವಾದಿಸಿದರು.

ಸ್ವಾಮೀಜಿ ಅವರೊಡನೆ ನಮ್ಮ ತಂದೆ ವಿ.ಎಸ್.ರಾಮಚಂದ್ರನ್ ಮತ್ತು ತಾಯಿ ಶ್ರೀಮತಿ ಪಾರ್ವತಿ


ಸ್ವಾಮೀಜಿ ಅವರೊಡನೆ ನಮ್ಮ ಸಹೋದರಿ ಶ್ರೀಮತಿ ರಾಜೇಶ್ವರಿ ಮತ್ತು ಅವರ ಪತಿ ಶ್ರೀ ಹೆಚ್.ಕೆ.ವೇಣುಗೋಪಾಲ್ ರವರು.


ಸ್ವಾಮೀಜಿ ಅವರೊಡನೆ ಆರ್.ವಿಶ್ವನಾಥನ್, ಆರ್.ಎಸ್.ಅಯ್ಯರ್ ಮತ್ತು ಸಹೋದರಿ ದಿವಂಗತ ಶ್ರೀಮತಿ ಮಹಾಲಕ್ಷ್ಮೀ ಶ್ರೀಧರ್


ಸ್ವಾಮೀಜಿಯವರಿಗೆ ಫಲತಾಂಬೂಲ ನೀಡಿ ನಮ್ಮ ತಂದೆಯವರು ಗೌರವಿಸಿದ ಕ್ಷಣ. ಚಿತ್ರದಲ್ಲಿ ವಿ.ವಿವೇಕ್ ಮತ್ತು ಮಹಾಲಕ್ಷ್ಮೀ ಇದ್ದಾರೆ.

ತಮಗೆ ಅರ್ಪಿಸಿದ್ದ ಹೂಮಾಲೆಯನ್ನು ಪೂಜ್ಯ ಶ್ರೀ ಸ್ವಾಮಿ ಪುರಷೋತ್ತಮಾನಂದಜಿಯವರು ಆರ್.ಎಸ್.ಅಯ್ಯರ್ ಅವರಿಗೆ ಹಾಕುವ ಮೂಲಕ ಎಲ್ಲರಲ್ಲೂ ರೋಮಾಂಚನ ಮೂಡಿಸಿದ ಕ್ಷಣ. ಅಯ್ಯರ್ ಅವರ ಹಿಂಬದಿ ಶ್ರೀ ಶಂಕರರಾಮಯ್ಯ ಹಾಗೂ ಇನ್ನೊಂದು ಬದಿ  ತುಮಕೂರು ತಾಲ್ಲೂಕು ಲಕ್ಕೇನಹಳ್ಳಿ ನಿವಾಸಿ ಸಂಗೀತ ವಿದ್ವಾಂಸರೂ, ಜ್ಯೋತಿಷಿಗಳೂ ಆಗಿದ್ದ ದಿ|| ರಂಗಧಾಮಯ್ಯ, ಸಹೋದರಿ ಗಾಯತ್ರಿ ಅವರನ್ನು ಕಾಣಬಹುದು.

ಈ ಚಿತ್ರದಲ್ಲಿ ಸ್ವಾಮೀಜಿಯವರೊಂದಿಗೆ ಶ್ರೀ ಹೆಚ್.ಕೆ.ವೇಣುಗೋಪಾಲ್, ಶ್ರೀ ದಿಲೀಪ್, ಶ್ರೀ ಗೋಪಾಲರಾವ್ ಇದ್ದಾರೆ.

                           ****************************************************

Letters of Sri Swamy Purushottamanandaji...      ಪೂಜ್ಯ ಶ್ರೀ ಸ್ವಾಮಿ ಪುರುಷೋತ್ತಮಾನಂದಜಿಯವರ ಪತ್ರಗಳು












--------------------------------------------
"ವಿವೇಕ ಹಂಸ" ಪತ್ರಿಕೆಯಲ್ಲಿ  ಸದರಿ ಪತ್ರ.....