ಹಸವ

ದುಃಖ ತಾನಾಗಿಯೇ ಬರುತ್ತದೆ. ಆದರೆ ಸಂತೋಷದ ಕ್ಷಣಗಳು ಹಾಗಲ್ಲ. ಅದನ್ನು ನಾವು ಸೃಷ್ಟಿ ಮಾಡಬೇಕಾಗುತ್ತದೆ. - ಕವಿ ಡಾ. ಹೆಚ್.ಎಸ್.ವೆಂಕಟೇಶ ಮೂರ್ತಿ

gss

ಹತ್ತಿರವಿದ್ದೂ ದೂರ ನಿಲ್ಲುವೆವು, ನಮ್ಮ ಅಹಮ್ಮಿನ ಕೋಟೆಯಲಿ, ಎಷ್ಟು ಕಷ್ಟವೋ ಹೊಂದಿಕೆ ಎಂಬುದು, ನಾಲ್ಕು ದಿನದ ಈ ಬದುಕಿನಲಿ - ರಾಷ್ಟ್ರಕವಿ ಡಾ. ಜಿ.ಎಸ್.ಶಿವರುದ್ರಪ್ಪ

Friday, 8 January 2021

Sri Nimishamba Temple- ನಿಮಿಷಾಂಬ ದೇಗುಲ- 11-12-2020- R S Iyer

 ಶ್ರೀ ನಿಮಿಷಾಂಬ ದೇವಿಯ ದಿವ್ಯ ಸನ್ನಿಧಿಯಲ್ಲಿ

----------------------------------------
ಶ್ರೀರಂಗಪಟ್ಟಣದ ಕಾವೇರಿ ನದಿ ದಡದಲ್ಲಿರುವ ಶ್ರೀ ನಿಮಿಷಾಂಬ ದೇವಿಯ ದೇಗುಲ ಅತ್ಯಂತ ಪ್ರಸಿದ್ಧವಾದುದು. ಲಕ್ಷಾಂತರ ಭಕ್ತರ ಆರಾಧನಾ ಕ್ಷೇತ್ರ. ನಾವು ಭೇಟಿ ಕೊಟ್ಟಾಗ ದೇವಾಲಯ ತುಂಬ ಪ್ರಶಾಂತವಾಗಿತ್ತು. ದೇವರ ದರ್ಶನ ತೃಪ್ತಿಕರವಾಗಿ, ಸುಲಲಿತವಾಗಿ ಆಯಿತು.
ಬಳಿಕ ಪಕ್ಕದ ಕಾವೇರಿ ನದಿಯ ದಡದಲ್ಲಿ ಕುಳಿತಾಗ ಆ ಸುಂದರ ಪ್ರಾಕೃತಿಕ ವಾತಾವರಣ ನಮ್ಮನ್ನು ನಾವೇ ಮರೆಯುವಂತೆ ಮಾಡಿಬಿಟ್ಟಿತು. ಹರಿವ ನದಿಯ ನೀರನ್ನು ನೋಡುವುದೇ ಒಂದು ವಿಶಿಷ್ಟ ಅನುಭವ. ಜೊತೆಗೆ ಅಲ್ಲಿಗೆ ಬಂದಿದ್ದ ಭಕ್ತರು, ಜನರು ನೀರಿನಲ್ಲಿ ಈಜುತ್ತ, ಕುಣಿದು ಕುಪ್ಪಳಿಸುತ್ತ ಮೈಮರೆಯುತ್ತಿದ್ದರು. ಅದರಲ್ಲೂ ಪುಟ್ಟ ಕಂದಮ್ಮಗಳನ್ನು ನೀರಿಗಿಳಿಸಿ ಪೋಷಕರು ಆನಂದಿಸುತ್ತಿದ್ದ ಪರಿ, ಅದಕ್ಕಿಂತ ಮಿಗಿಲಾಗಿ ಆ ಕೈಕೂಸುಗಳು ನೀರಿನಲ್ಲಿ ಆಟವಾಡುತ್ತ ಖುಷಿಪಡುತ್ತಿದ್ದುದನ್ನು ನೋಡುವಾಗ ನಾವೂ ಒಂದಷ್ಟು ಹೊತ್ತು ಅಕ್ಷರಶಃ ಮೈಮರೆತು ಆನಂದಿಸಿದೆವು. ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ ಅವರೊಡನೆ ನಾನು, ವಿಶ್ವನಾಥನ್, ನಮ್ಮ ಸಹೋದರಿ ಶ್ರೀಮತಿ ಗಾಯತ್ರಿ ಸತ್ಯನಾರಾಯಣ್, ಆಕೆಯ ಪುತ್ರಿ ಕು. ನಮಿತ  ಇದ್ದೇವೆ.









Melukote Pu.Ti.Na. Residence - ಕವಿ ಪು.ತಿ.ನ. ರವರ ನಿವಾಸ- 11-12-2020- R S Iyer

 ಮೇಲುಕೋಟೆಯ ಪು.ತಿ.ನ. ನಿವಾಸ

--------------------------------
ಮೇಲುಕೋಟೆಗೆ ಹೋದ ಮೇಲೆ ನಾಡಿನ ಹೆಮ್ಮೆಯ ಕವಿ ಪು.ತಿ.ನರಸಿಂಹಾಚಾರ್ (ಪು.ತಿ.ನ.) ಅವರ ನಿವಾಸಕ್ಕೆ ಭೇಟಿ ಕೊಡದಿರಲಾದೀತೇ?
ಪ್ರತಿ ಬಾರಿ ಹೋದಾಗಲೂ ಈ ನಿವಾಸಕ್ಕೊಂದು ಭೇಟಿ ಕೊಡುವುದು ನಮ್ಮ ಅಭ್ಯಾಸ. ಅದೇ ರೀತಿ ಈ ಬಾರಿಯೂ ಭೇಟಿ ಕೊಟ್ಟೆವು. ಕವಿಯ ನೆನಪು ಮನದಲ್ಲಿ ಸಂತಸ ಮೂಡಿಸಿತು. (11-12-2020)
ಪರಮ ಸಾತ್ವಿಕ ವ್ಯಕ್ತಿತ್ವದ ಮೇರು ಕವಿ ಪು.ತಿ.ನ. ಅವರ ಈ ಪುರಾತನ ನಿವಾಸವೇ ಸಾತ್ವಿಕತೆಯ ಪ್ರತೀಕದಂತೆ ಭಾಸವಾಗುತ್ತದೆ. ಪು.ತಿ.ನ. ಅವರ ಕೃತಿಗಳು, ವಿವಿಧ ಭಾವಚಿತ್ರಗಳು, ಪ್ರಶಸ್ತಿ ಫಲಕಗಳು ಅಲ್ಲಿದ್ದು, ಕವಿಯ ಸ್ಮೃತಿಯನ್ನು ಜೀವಂತವಾಗಿರಿಸಿವೆ. ಪ್ರಶಾಂತ ವಾತಾವರಣದ ಮೇಲುಕೋಟೆಯ ದೇಗುಲದ ಸನಿಹದಲ್ಲೇ ರಸ್ತೆ ತಿರುವಿನಲ್ಲಿರುವ ಈ ಪುಟಾಣಿ- ಆದರೆ ಅಚ್ಚುಕಟ್ಟಾದ- ಮನೆಯನ್ನು ಜತನದಿಂದ ಸಂರಕ್ಷಿಸಿರುವುದು ಪ್ರಶಂಸನೀಯವಾದ ವಿಚಾರ.





Melukote Temple- ಮೇಲುಕೋಟೆ ದೇವಾಲಯ- 11-12-2020 - R S Iyer

 ಮೇಲುಕೋಟೆಯ ದೇಗುಲದಲ್ಲಿ

************************

ಮಂಡ್ಯ ಜಿಲ್ಲೆಯ ಸುವಿಖ್ಯಾತ ಧಾರ್ಮಿಕ ಕ್ಷೇತ್ರವಾದ ಮೇಲುಕೋಟೆಯ ಶ್ರೀ ಚೆಲುವನಾರಾಯಣ ಸ್ವಾಮಿಯ ದಿವ್ಯ ಸನ್ನಿಧಿ ತುಂಬ ಪ್ರಶಾಂತವಾಗಿತ್ತು. ಕೆಲ ಹೊತ್ತು ದೇವರ ಸಮ್ಮುಖ ಕುಳಿತದ್ದು ಅನಿರ್ವಚನೀಯ ಅನುಭವ. (ದಿನಾಂಕ 11-12-2020, ಶುಕ್ರವಾರ).
ದೇವಾಲಯದ ಬಳಿಕ ಪಕ್ಕದ ಕಲ್ಯಾಣಿಗೆ ಭೇಟಿ. ಅನೇಕ ಭಕ್ತರ ಕುಟುಂಬಗಳು ಕಲ್ಯಾಣಿಯ ನೀರಿಗೆ ವಿವಿಧ ಪೂಜೆಗಳನ್ನು ನೆರವೇರಿಸುತ್ತಿದ್ದರು. ಕಲ್ಯಾಣಿಯ ನೀರಿನಲ್ಲಿರುವ ಮೀನುಗಳು ಹಿಂಡು-ಹಿಂಡಾಗಿ ದಡಕ್ಕೆ ಧಾವಿಸಿಬರುವುದನ್ನು ನೋಡುವುದೇ ಮನೋಹರ. ಇನ್ನು ಆ ಕಲ್ಯಾಣಿಯ ಭವ್ಯತೆ, ಸುತ್ತಲಿನ ಕಲ್ಲು ಕಟ್ಟಡಗಳ ಆಕರ್ಷಣೆ ಅಲ್ಲಿ ಹೊತ್ತು ಹೋಗುವುದನ್ನೇ ಮರೆಸಿಬಿಡುತ್ತದೆ.

ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ ಅವರೊಡನೆ ನಾನು, ವಿಶ್ವನಾಥನ್, ನಮ್ಮ ಸಹೋದರಿ ಶ್ರೀಮತಿ ಗಾಯತ್ರಿ ಸತ್ಯನಾರಾಯಣ್, ಆಕೆಯ ಪುತ್ರಿ ಕು. ನಮಿತ  ಇದ್ದೇವೆ.











Guluru Ganapathi Temple 2020 ಗೂಳೂರು ಗಣಪತಿ ದೇವಾಲಯ 11-12-2020 - R S Iyer

 ನಮ್ಮ ತುಮಕೂರಿನ ಹೆಮ್ಮೆಗಳಲ್ಲೊಂದಾದ ತುಮಕೂರು ತಾಲ್ಲೂಕು ಗೂಳೂರಿನಲ್ಲಿ ದಿನಾಂಕ 11-12-2020 ಶುಕ್ರವಾರ ಸುಪ್ರಸಿದ್ಧ ಶ್ರೀ ಗೂಳೂರು ಗಣಪತಿಯ ದರ್ಶನ. ನಮ್ಮ ತಂದೆ ಸ್ವಾತಂತ್ರ್ಯ ಹೋರಾಟಗಾರರಾದ ಶ್ರೀ ವಿ.ಎಸ್.ರಾಮಚಂದ್ರನ್ ಅವರೊಡನೆ ನಾನು, ವಿಶ್ವನಾಥನ್, ನಮ್ಮ ಸಹೋದರಿ ಶ್ರೀಮತಿ ಗಾಯತ್ರಿ ಸತ್ಯನಾರಾಯಣ್, ಆಕೆಯ ಪುತ್ರಿ ಕು. ನಮಿತ  ಇದ್ದೇವೆ.






Monday, 9 November 2020

Markonahalli Dam -2020 (R S Iyer, R. Vishwanathan & V S Ramachandran)


ಮಾರ್ಕೋನಹಳ್ಳಿ ಜಲಾಶಯ ಈಗ ತುಂಬಿ ತುಳುಕುತ್ತಿದೆ. ಶತಮಾನದ ಇತಿಹಾಸ ಹೊಂದಿರುವ ಹಾಗೂ ಸ್ವಯಂಚಾಲಿತ ತಂತ್ರಜ್ಞಾನದ ಈ ಜಲಾಶಯ ಕುಣಿಗಲ್ ಸನಿಹವಿದ್ದು, ತುಮಕೂರು ಜಿಲ್ಲೆಯ ಹೆಮ್ಮೆಯೆನಿಸಿದೆ. ತುಂಬಿ ಹರಿಯುತ್ತಿರುವ ಇದನ್ನು ನೋಡುವುದೇ ಒಂದು ಖುಷಿ. ದಿನಾಂಕ 03.11.2020 ರಂದು ಸಂಜೆ ನಮ್ಮ ತಂದೆ ಶ್ರೀ ವಿ.ಎಸ್.ರಾಮಚಂದ್ರನ್ ಅವರೊಡನೆ ನಾನು ಮತ್ತು ವಿಶ್ವನಾಥನ್ ಅಲ್ಲಿಗೆ ಭೇಟಿ ಕೊಟ್ಟಾಗ, ಸೂರ್ಯ ಬಾನಂಗಳದಿಂದ ಮೋಡಗಳ ಹಿನ್ನೆಲೆಯಲ್ಲಿ ಮರೆಯಾಗುತ್ತಿದ್ದ. ಆಗಸದಲ್ಲಿ ಬಣ್ಣದ ಚಿತ್ತಾರಗಳು ಸೃಷ್ಟಿಯಾಗಿತ್ತು. ಮತ್ತೊಂದೆಡೆ ಧೋ ಎಂದು ನೀರು ಜಲಾಶಯದಿಂದ ಹೊರ ನುಗ್ಗುತ್ತಿತ್ತು. ಅದೇ ಹೊತ್ತಿನಲ್ಲಿ ಜಲಾಶಯದಲ್ಲಿ ಸುತ್ತಾಡಿದಾಗ, ಆ ಸೊಬಗು ಹೀಗಿತ್ತು...

ವಿಡಿಯೋ ವಿಕ್ಷಣೆಗೆ ಈ ಕೆಳಗಿನ ಲಿಂಕ್ ಒತ್ತಿ.








 

Tuesday, 3 November 2020

Yedeyuru Temple 2020 (R S Iyer, R. Vishwanathan & V S Ramachandran)

ಎಡೆಯೂರು ದೇವಾಲಯದಲ್ಲಿ
*************************
ಶುಭ್ರ ಪರಿಸರ, ಅಚ್ಚುಕಟ್ಟುತನ, ಆಕರ್ಷಕ ದೀಪಾಲಂಕಾರ, ಮುಸ್ಸಂಜೆಯ ನಿಶ್ಯಬ್ದ ವಾತಾವರಣದಿಂದ ಎಡೆಯೂರು ಶ್ರೀ ಸಿದ್ಧಲಿಂಗೇಶ್ವರ ಸ್ವಾಮಿ ದೇವಾಲಯ ನಮ್ಮ ಮನಸ್ಸನ್ನು ಪ್ರಭಾವಿಸಿತು. ನಾಡಿನ ಪವಿತ್ರ ಧಾರ್ಮಿಕ ಕ್ಷೇತ್ರಗಳಲ್ಲೊಂದಾಗಿ ಪ್ರಸಿದ್ಧಿ ಪಡೆದಿರುವ ಎಡೆಯೂರು ದೇವಾಲಯವು, ಕುಣಿಗಲ್ ಸಮೀಪ ಹೆದ್ದಾರಿ ಬದಿ ಕಂಗೊಳಿಸುತ್ತಿದೆ. ಇಂದು (ದಿನಾಂಕ 03-11-2020, ಮಂಗಳವಾರ) ಮುಸ್ಸಂಜೆ ನಮ್ಮ ತಂದೆ ಶ್ರೀ ವಿ.ಎಸ್.ರಾಮಚಂದ್ರನ್ ಅವರೊಡನೆ ನಾನು ಮತ್ತು ವಿಶ್ವನಾಥನ್ ಅಲ್ಲಿಗೆ ಭೇಟಿ ಕೊಟ್ಟಿದ್ದೆವು.  Today evening we visited Yediyuru Sri Siddalingeshwara Swamy Temple, Yediyuru, Kunigal Taluk









 


Monday, 26 October 2020

Devarayanadurga Hills 20-10-2020 ದೇವರಾಯನದುರ್ಗ ಬೆಟ್ಟ ( R S Iyer and R Vishwanathan)

ತುಮಕೂರು ಸನಿಹದ ದೇವರಾಯನದುರ್ಗ ಬೆಟ್ಟದ ಸೌಂದರ್ಯ ದಿನಾಂಕ 20-10-2020 ರಂದು ಸಂಜೆ ನಮಗೆ (ನಾನು ಮತ್ತು ಆರ್.ವಿಶ್ವನಾಥನ್ ಭೇಟಿ ಕೊಟ್ಟಾಗ) ಕಂಡಿದ್ದು ಹೀಗೆ..... Beauty of the Devarayanadurga Hills